/35/ neque eis esse naturalem, ut probavimus.
Hinc Dei providentia circa inferiora haec
perspicue satis intelligi cognoscique potest.
EXERCITATIO VI
Probat divinam providentiam ex oraculorum responsis.
Lapideas Deorum statuas, de futuris rerum
successibus et eventibus, vaticinia
quaedam edidisse compluries apud Historicos
legimus. Illud autem Dei providentiam
singularem circa haec inferiora vel
maxime demonstrat. Nam illa saepius ut
edita sic facto ipso contigerunt, neque tamen
naturaliter effecta esse quisquam ausit
asseverare, cum Naturae longe excedant vires:
ab aliqua ergo substantia, supernaturali
praedita facultate, cuius permissu illa edita
fuerunt.
Nicolaus Machiavellus, Atheorum facile
Princeps, in Commentariis ad Titum Livium
et in perniciosissimo libello De Principe, vernaculo
idiomate conscriptis, existimavit
haec omnia falsa esse et a Principibus ad
incautae plebeculae instructionem conficta ut,
quam ratio non posset ad officium, religio